CARITA-CARITA MOB...

Ada nyong ambon satu.. dong biasa panggel dia hari-hari ‘Odang’. Satu hari Odang pi vacansi ka Holand for lia dia pung opa, namanya Opa “Unu”.
sampe disana Odang pung opa ne…… langsung kasi pasang for dia.. katanya :
“Kalo eik mati.. yei harus berdoa for eik pake bahasa Belanda ya…?” Ternyata opa Unu ni.. pung mulu panas lai… seng lama opa maninggal…
Pas mo bakubur Odang langsung bingung ‘ beta mo sombayang bagemana ni ? padahal beta zn tau bahasa blanda..’ terpaksa waktu dong minta beta sombayang…... deng beta sikat lai………..…!
“Cangkul end the skophen…, tanah tutup prop,… and you Unu… standby for cacing-cacing fermak yei…’

ada 4 org sahabat : org makasar, manado, buton dg ambon pi bl minuman. Org makasar bl krating"daeng", Manado psn Extra"jo", org buton psn "la"segar...org ambon bingung mo psn apa krn yg samua psn dg ciri masing2, si ambon lgsg psn "beta"din 

Ada kisah aneh di Irian. Berawal dari seorang ibu nonton film India dgn anaknya.. Film itu bercerita ttg Kepolisian. Sang anak bertanya : "mama,kalo polisi yang berkumis itu jahat ka?", mama bilang : "iyo ana,dia jahat."
Waktu ibu & anak pergi di pasar..anak melihat seorang polisi yang berkumis. Sang anak takut,lalu bersembunyi di dLm rok ibunya. Setelah Si anak kluar malah nangis. Si ibu tanya : "ana ko kanapa?", si anak jawab : "Mama ko Jahat,ko bakumis lai". Si ibu langsung bilang : "sst,ko diam saja..Mama INTEL."

Oma dengan Opa pigi nonton bola di Karang Panjang.... Selesai Pertandingan, orang-orang Manggurebe Oto. Oto terakhir tinggal satu tampa dudu saja. Kenek bilang "Opa, Oma, mari nai sudah, daripada nanti seng ada oto lai. Ini oto terakhir, baku pangku saja jua". AKhirnya Opa deng Oma naik baku pangku. Opa bilang, "Oma, ale pangko beta kamuka jua, ini khan bajalang turung-turung, seng talalu stengah mati". Oma bilang "Io sudah". Di tengah perjalanan, Opa pung poro saki. Opa seng tahang lai, deng Opa lapas Konto jua... Oma kaget stengah mati. Opa bale muka bisi-bisi for Oma "Jang marah Oma, beta baru isi Gol, satu kosong". Oma marah paskali, langsung Oma bilang "Ganti, bagian ale pangku beta". Opa pangku Oma. Sampe di tikungan mau maso terminal, Oma seng tahang lai, Oma ajar Konto.. Opa tenang saja. Oma bale bisi-bisi for Opa, "Opa, skarang satu sama to...?". Opa tatawa snang saja, Opa bilang for Oma, "Jang marah, ale pung tembakan tapukul tiang".

Satu kali, Opa ada tarima tamu di Baranda muka. Ini ana Yakobus ni seng kuat tahang Kincing lai. Dia datang for Opa, di muka tamu dia bilang "Opa, Boby mau kincing..". Opa seng pastiu, carita jalan trus. Dia bilang tambah basar, "OPA, BOBY MAU KINCING". Opa su sadiki marah lai, Opa bilang, "Heh... kalo mau kincing, kincing di kamar mandi sana. Opa ada deng tamu". Boby pigi lapas di kamar mandi. Pas tamu pulang Opa panggel Boby, Opa bilang, "Yakobis, laeng kali kalo mau kincing, jang bilang kincing di muka orang tatua. Itu seng tahu malu, nanti Opa pung tamu bilang apa...?" Boby tanya, "Lalu beta musti bilang apa Opa?". Opa jawab, "Pokoknya bilang apa ka, asal jang bilang mau kincing. Bagini saja, kalo mau kincing, se bilang - Opa, Boby mau manyanyi - itu Opa su tahu sudah".
Akang pung tengah malam, Boby tidor deng Opa di kamar blakang. Boby su mati kincing tapi taku kaluar sandiri. Boby kasbangong Opa, "Opa...Opa... Boby mau manyanyi...". Opa kaget bangong deng marah-marah.. "Manyanyi apalai Yakobis deng orang pung tengah malam ni..?". Boby seng mau tau, Boby tetap bilang, "Seng bisa Opa, Boby seng kuat tahang lai, Boby mau manyanyi niiii.....?". Opa seng bisa tahang, Opa angka jua, "Io sudah, daripada ose pung orang tatua deng tetangga bangong gara-gara se manyanyi, mari la manyanyi palang-palang di Opa pung talinga ni saja", Opa sorong talinga ke arah Boby. Seng hitung satu dua tiga, Boby lucu calana, kasluar mic kacil tu, deng Boby manyanyi palang-palang di Opa pung talinga jua.... Mamaeeee.... Opa Babasa...

Ana-ana kacil ada carita tentang Pahlawan-Pahlawan. Pas Opa Endek lewat dengar dong bacarita. Opa Endek mulai angka lai, "He..he... jang dong cuma carita tentang Pahlawan-Pahlawan dalam buku pelajaran tu... Busu-busu, Opa ni dolo-dolo jua seng lari waktu Balanda deng Japang."
Ana-ana dong bilang, "Kalo bagitu Opa carita pengalaman dolo-dolo for katong ka..."
Opa Endek mulai carita, "Dolo, waktu japang maso di Ambon, Opa masih muda.. Gagah nyong. Satu kali dong mau datang ganggu dong pung Oma ni, waktu itu masih muda cantik. Opa su tau dong pung rencana, Opa hadang di jalang mau maso Kampong. Dong tiga orang muncul dari sana, Opa palungku satu, jatuh makang tanah. Satu mau maju, Opa palungku lai, jatuh makang tanah. Orang ketiga, datang deng pistol, yang dua tu badiri dong kokang senjata lai, dong tiga todong Opa mau tembak, tapi Opa seng lari dong ana-anaeee..."
Ana-ana angka, "wah, kalo bagitu Opa memang hebat, top abiss..."
Opa deng muka sedih bilang, "Abis, Opa mau lari bagimana lai, di balakang Opa jurang yooo... lari la jatuh mati.."

Satu hari ni, Yohanes pigi skolah. Dong dapa pelajaran Sejarah (dolo-dolo katong masih dapa PSPB). Jadi Bapa Guru mulai mengajar tentang Proklamasi Indonesia. Seng lama, Bapa Guru mulai buka pertanyaan: "Martinche, Proklamasi 17 Agustus 1945 dilaksanakan di Jakarta, tepatnya di mana?". Martinche ni pintar, dia jawab: "Jalan Pegangsaan Timur No. 56 Pa". Mantap... Bagian Bapa Guru tanya for Yohanes: "Yohanes, itu sapa yang tanda tangan naskah Proklamasi..?". Yohanes ada asyik bakupanah karet deng Andarias kaget. Karingat dingin jatuh nyong.... Garu Kapala, seng tau jawab, bale muka for Andarias deng Yermias dong, baku tanya tapi seng ada yang tahu. Bapa Guru tinggal paksa saja: "Ale, Yohanes, itu sapa yang tanda tangan naskah proklamasi tu.??". Yohanes tambah bingong, takut.... Seng lama, Bapa Guru menuju Yohanes, angka rotang jawa tinggi-tinggi, tanya satu kali lai: "Sapa yang tanda tangan akang naskah tuh?.... capat jawab..". Yohanes picah manangis lai, dia bilang: "Bapa Guruee..... mar beta seng tau sapa yang tanda tangan akang barang tu.... yang pasti bukang beta yang tanda tangan akang bapa guru..ee.... Beta su tanya Andarias deng Yermias, bukang dong dua yang pung tanda tangan lai Bapa Gurue...?" Bapa guru picah huraa.... sudah, tambah satu garus malintang di Yohanes pung batang bitis jua... (kalo ada skolah jang bapanah karet)..